ఎలా ప్రార్ధించాలి? ( How to Pray ? )

ప్రార్థన (prayer) దేవుడు మనకు ఇచ్చిన బలమైన సాధనం, ప్రార్థించడం ద్వారా మనం మనకు కావలిసినవి పొందుకోవచ్చు,  నిరంతరం దేవునితో మనము బలమైన సంబంధాలు   కలిగి ఉండవచ్చు. మనల్ని మనం గెలుచుకోవచ్చు. కాబట్టి ప్రతిరోజు తప్పకుండా మనం దేవుణ్ణి ప్రార్థించాలి.  క్రైస్తవ జీవితాలలో ప్రార్థనకు ఎంతో ప్రాధాన్యత ఉంది. ఆనాడు దావీదు మహారాజు క్రమం తప్పకుండా ప్రతిదినం 7 సార్లు దేవుణ్ణి ప్రార్థిస్తున్నాను అని స్వయంగా చెప్పుకున్నాడు. దానియేలు ప్రవక్త కూడా రోజుకు మూడు సార్లు ప్రార్ధించాడు.

బైబిల్లో ఎంతో మంది ఎడతెగక దేవునికి ప్రార్థన చేసి  తమకు కావలిసినవి పొందుకున్నారు. మనం కూడా ప్రార్థించాలి. మన కొరకు, మన కుటుంబం కొరకు , తోటి సహొదరుల కొరకు, సంఘం కొరకు,  సమస్త మానవాళి కొరకు  ప్రార్థించాలి. దేవుణ్ణి ప్రార్థించే విషయంలొ ఎలా ప్రార్థించాలి, ఎందుకు ప్రార్థించాలి, ఎప్పుడు ప్రార్థించాలి, ఎవరి కొరకు ప్రార్థించాలి అనే సందేహాలు  చాలా వస్తాయి. ఆ సందేహాలకు సమాధానలను ఇప్పుడు తెలుసుకుందాం.

1.         దేనికొరకు ప్రార్థించాలి  ? (Why to Pray)

                      మనం దేవునితో మాట్లాడడం ఆయనకు ఎంతో ఇష్టం. మనం దేనికొరకైనా  సరే  దేవుణ్ణి ప్రార్థించవచ్చు. అది పెద్ద విషయమా, చిన్న విషయమా అన్నది పెద్ద సమస్య కానేకాదు. ప్రార్థించడమే ముఖ్యం. ఆలా ప్రార్థిచడం ద్వారా తండ్రి మన సమస్యలకు పరిష్కారం చూపిస్తాడు.

2.         ఎప్పుడు,  ఎక్కడ  దేవుణ్ణి ప్రార్థించాలి? ( when and where to Pray )

                   మనం దేవుణ్ణి ఎక్కడైనా, ఎప్పుడైనా ప్రార్థించవచ్చు.  ఆయన నిత్యం మనలో, మనతొ పాటు ఉండేవాడు కాబట్టి  దేవుని ప్రార్థించటానికి, మన సమస్యలు చెప్పుకోవడానికి ఒక ప్రత్యేక సమయం అంటూ ఏమి లేదు. మనం ఎక్కడ ఉన్నా పర్లేదు దేవునితో చక్కగా మాట్లాడవచ్చు.  మన సమస్యలని ప్రార్థన ద్వారా విన్నవించుకోవచ్చు. 

3.         ప్రార్థన ఎంత సేపట్లొ ముగించాలి ? ( How much time to Pray )

                   మనం దేవునితో ప్రార్థనలో ఏకిభవించి మట్లాడడమే చాలా ముఖ్యం. అది ఒక నిమిషం కావచ్చు, ఒక గంట కావచ్చు, లేదా ఒక రోజు కావచ్చు . సమయం ఎంతైన పర్లేదు ఎంత సేపు ప్రార్థించాం అన్నది సమస్య కానే కాదు. మనం ఎప్పుడు మాట్లాడినా,  ఎంత సేపు మాట్లాడినా దేవుడు వింటాడు. తగిన సమయంలో సమాధానమూ ఇస్తాడు.

4     ఇతరులతో కలిసి ప్రార్థించవచ్చా? ( Can I pray with others? )

                      ప్రార్థించవచ్చు, ప్రార్థించాలి కూడా! అలా ఇతరులతో కలిసి ప్రార్థించడం ఎంతో మంచిది, స్నేహితులతో , ఇతరులతో కలిసి ప్రార్థించడం వలన మీ స్నేహం ఇంకా బలంగా మారడమే గాక , దేవునిలో మీ విశ్వాసం మరింతగా బలపడుతుంది. ఎక్కడ ఇద్దరు, ముగ్గురు కూడి నా నామాన్ని ధ్యానిస్తారో అక్కడ నేను ఉంటాను అని యేసయ్య సెలవిచ్చాడు కదా.  కాబట్టి మనం ఎవరితో అయిన కలిసి దేవున్ని ప్రార్థించవచ్చు.

4.     ఎప్పుడూ చేతులు జోడించే ప్రార్ధించాలా? ( should I pray by joining Hands? )

                           చేతులు జోడించి, కన్నులు మూసి దేవుని ప్రార్థించడం ఒక మంచి అలవాటు, అలా ప్రార్థించడం వలన ఎకాగ్రత పెరుగుతుంది. తద్వారా మన మనస్సు మనం చేసే ప్రార్థన మీద లగ్నం అవుతుంది. అంతే కాదు మీరు ఎక్కడ ఏ పనిలొ ఉన్న మీకు అనుకూల సమయంలో మీ మనస్సులో మీరు మనసారా దేవుని ప్రార్థించవచ్చు,  చేతులు జోడించి ప్రార్థించాల్సిన  అవసరం లేదు.

5.         బిగ్గరగా ప్రార్థించవచ్చా   ? ( Can I pray loudly)

                     బిగ్గరగా ప్రార్థించిన, లేక మనస్సులో మౌనంగా ప్రార్థించిన నీ ప్రార్థన దేవుని సన్నిధికి   చేరుతుంది. మనం బిగ్గరగా ప్రార్థించడం వలన మన మనస్సుకు మంచి ఎకాగ్రత కుదురుతుంది. నీవు ఉన్న చోటును బట్టి   బిగ్గరగా గొంతెత్తి  ప్రార్థించాలా ,  లేక మౌనంగానే మనస్సులో ప్రార్థించాలా అనేది  నీ ఇష్టం. నీవు ఎలా ప్రార్థించినా నీ ప్రార్థన దేవుడు వింటాడు,  తప్పకుండా జవాబు ఇస్తాడు.

ఈ 6 విధానాలను బట్టి మనం ప్రార్థన చేయడానికి,  దేవునితో సంభాషించడానికి ఓ సమయమంటూ ప్రత్యేకంగా లేదు,  ఇలా చేయాలి, అలా చెయ్యాలి అనే షరతులు కూడా లేవు. ఒక తల్లి తన బిడ్డతో మాట్లాడటానికి ఏ షరతులూ విధించదు  కదా. అలాగే ఒక తండ్రి  తన బిడ్డల అలనా పాలనా విషయంలో ఎలాంటి సమయ సమయాలు  చూడడు కదా. యేసయ్య మనకు అంతకంటే ఎక్కువ కాబట్టి ఎప్పుడైనా ఎక్కడైనా మనసారా దేవున్ని ప్రార్థించండి,  సంభాషించండి, కావలసినవి పొందుకొండి. నిరంతరం దేవునిలో గడుపుతూ ఆయనకు ఇష్టులుగా జీవించండి. ఆమేన్.          

Dear Brothers and Sisters in Christ, If you like this post, kindly comment below the post and do share your response, Thank you for reading, God bless you abundantly, Yours HNTV Telugu Christian Channel

POWER OF PRAYER - REDEMPTION FROM SATAN

ప్రార్ధనా శక్తి … సాతాను నుండి విముక్తి

ప్రార్ధన అనేది బహు శక్తి వంతమైనది. దేవునికి మనకి మధ్య  ఏ అడ్దు తెర లేకుండా చక్కగా మనం మన తండ్రితో మట్లాడడానికి, ఆయన చిత్తాన్ని మన జీవితాల్లో నెరవేర్చమని  ప్రార్ధించడానికి ఒక చక్కని మార్గం ప్రార్ధన! మనం ఏమై ఉన్నమో, మన భవిష్యత్తు ఏమిటో మనకు తెలియదు కానీ దేవునికి సర్వమూ తెలుసు. యేసయ్య కూడా మనల్ని ఓ  తండ్రిలా నిరంతరం కాపాడుకుంటూ .. మనకు కావలిసిన వాటిని ఏర్పాటుచేస్తూ నిత్యమూ మనల్ని కాచుకొని ఉంటాడు. కానీ, తండ్రికి  మనల్ని దూరం చేయడానికి సాతాను చీకటి తలంపులతో మన ప్రక్కనే పొంచి ఉంటాడు. అదను చూసి మన జీవితాల్లొకి ప్రవేశించి మనకూ, మన కుటుంబాలకు నెమ్మది లెకుండా చేయడమే వాడి పని. అపవాది  తంత్రాలలో పడి మనం మన తండ్రిపై ఉన్న నమ్మకం ఎప్పటికీ కోల్పోకూడదు. 

ఇక్కడ మనం ఒక విషయం తప్పకుండా జ్జాపకం చేసుకొవాలి, నమ్మకం ఉన్నంతసెపు నీళ్ళపై నడవగలిగిన పేతురు  ఏప్పుడైతె ఎప్పుడైతే అనుమానం అతని మనసులో చోటు చేసుకుందో మరుక్షణమే పేతురు నీళ్ళలొ మునిగి పొవడం ప్రారంభమైంది. ఆనాడు నీళ్ళల్లో మునిగి పొతున్న పేతురును చెయ్యి పట్టి లాగిన యేసయ్య, ఈరోజు మనకు కూడా తన చేతిని అందించడానికి  సిద్ధంగా ఉన్నాడని అస్సలు మరిచిపోకూడదు. మన జీవితాల్లో సాతాను శోధనలు ఎదిరించి నిలబడడానికి, దేవునిలో మనం నిరంతరం నిలిచి ఉండడానికి ప్రార్ధన ఒక్కటే మనకున్నఎకైక మార్గం.    మనం సాతానుకు వ్యతిరేకంగా పోరాడటానికి, దేవునికి దగ్గరగా జీవించడానికి మనలను మనం సిద్ధపరచుకోవాలి. అందుకు ప్రార్ధన ఒక్కటే బలమైన సాధనం. అందుకే  సాతాను శోధనలకు వ్యతిరేకంగా ఎలా ప్రార్ధించాలి?  యేసయ్యలో ఎలా జీవించాలి అనే ముఖ్యమైన విషయాలను గురించి ఇప్పుడు మనం తెలుసుకుందాం. 

 

1 సిద్దపాటు కలిగి జీవించాలి:  ఎఫెసీ పత్రిక 6వ అధ్యాయం అంతా మనమంతా ఏ విధంగ సిద్ధపాటు కలిగి జీవించాలో చాలా స్పష్టంగా వివరించింది. ఎఫిసీ పత్రిక 6:11వ వచనంలో చెప్పినట్లుగా సాతానుని ఎదిరించడానికి మనం శక్తిమంతులం అయ్యేవిధంగా, దేవుడిచ్చిన  ప్రార్ధన అనే సర్వంగ కవచాన్ని ధరించాలి. అంతేకాక అనుక్షణం మనల్ని కబళించడానికి మనప్రక్కనే  పొంచియుండే సాతాను కుతంత్రాలను  ఎదుర్కోనడానికి  మనం తప్పనిసరిగా సిద్ధపాటు కలిగి జీవించాలి. 

2 సాతానుకు వ్యతిరేఖంగ ప్రార్ధించాలి: పాపానికి ప్రతిరూపమైన సాతాను ఎంతో బలవంతుడు మరియు తెలివైనవాడు. దేవుని బిడ్డలను పడగొట్టటం, చీకటి తలంపులను రేపి మనిషిని అధఃపాతాళానికి త్రోసివేయడమే వాడి పని . 2 కొరింథీ  2: 10,11 వచనాల్లొ సాతాను ఎంతటి తెలివైనవడో పౌలు మహశయుడు తన మాటల్లొ తెలియజేస్తున్నాడు.  సహోదరుల మధ్య ఐక్యతను చెడగొట్టగలడు, సంఘాలను నిట్టనిలువునా చీల్చి వేయగలడు. భళా నమ్మకమైన దాసుడా అని అనిపించుకున్న వారిని సైతం అధఃపాతాళానికి  తొక్కేయగలడు  అందుకే సాతాను మన జీవితాల్లోకి ప్రవేశించకుండా, వాడి ప్రభావం  మన జీవితాల్లో పడకుండా నిరంతరం మెలకువతో ప్రార్ధించాలి. 

3 సువార్త వ్యాప్తి కొరకు ప్రార్ధించాలి: దేవుని  సువార్త లోకంలో వ్యాప్తిచెందకుండా సాతాను అడ్డంకులు  సృష్టిస్తూ  ఉంటాడు. దేవుని సువార్త విశ్వవ్యాప్తం అయితే సాతాను ఉనికి ఈ ప్రపంచంలొ ఉండదనే సంగతి వాడికి బాగా తెలుసు. సాతానుకి కావలిసింది ఈ లోకంలో ఏ ఒక్కడూ రక్షింపబడకుడదు. 2 కొరింధీ 4:4 వచనంలో దేవుని  స్వరూపియై యున్న క్రీస్తు మహిమను కనపరచు సువార్త ప్రకాశము వారికి ప్రకాశింపకుండు నిమిత్తము, ఈ యుగ సంబంధమైన దేవత అవిశ్వాశులైన వారి మనొ నేత్రములకు గ్రుడ్డితనము కలుగజేసెను అని పౌలు గారు సాతాను విన్యాసాలను మన కళ్ళకు కట్టినట్లుగా చెప్తున్నాడు.  అంతే కాదు సాక్షాత్తూ పౌలు మహశయుణ్ణే థెస్సలోనికలోని సంఘాన్ని దర్శించకుండా సాతాను అడ్డుపడుతున్నాడని  1 థెస్సలొనిక 2:18 వ వచనంలొ మనకు తెలియ పరుస్తున్నాడు. అంటే ఈ వాక్యాన్ని బట్టి సాతాను ఎంతటి బలవంతుడో మనం అర్ధం చేసుకొవాలి. కాబట్టి దేవుని సువార్త అవసరాన్ని మనం గుర్తించి మనమూ  దేవుని సువార్త వ్యాప్తికి మన వంతు సహాయంగా ప్రతిదినం ప్రార్ధించాలి. 

4 తోటి వారి కొరకు ప్రార్ధించాలి : మన స్నేహితులు, బంధువులు, సంఘస్తులు వారి కుటుంబాలు సాతాను వలలో పడకుండా కృప చూపి కాపాడమని దేవుని ప్రార్ధించాలి.  లూకా 22: 32 వ వచనంలో నీ నమ్మిక తప్పిపొకుండునట్లు నేను నీ కొరకు వేడుకొంటిని, నీ మనస్సు తిరిగిన తరువాత నీ సహొదరులను స్థిరపరచమని చెప్పెను. అంటే యేసయ్య తన శిష్యుల కొరకు నాడు తన తండ్రిని వేడుకున్నట్లే మనమూ మన తోటి వారిని సాతాను శోధనలో పడకుండా తప్పించమని దేవుణ్ణి ప్రార్దించాలి.

5 సంఘం కొరకు ప్రార్ధించాలి:  యొహాను సువార్త 17: 15 లో నీవు లోకంలో నుండి వారిని తీసుకొని  పొమ్మని నేను ప్రార్ధించుటలేదు గాని దుష్టుడు నుండి వారిని కాపాడమని ప్రార్ధించుచున్నాను. మనుష్యులు కాబట్టి కోపాలు సహజంగానే వస్తాయి. అంత మాత్రాన  ఆ కోపాలు మనుష్యుల్ని సంఘాల్ని విడదీసేంతగా ఉండకూడదు. ఎందుకంటే సాతాను తనకు లభించే  ప్రతి అవకాశాన్ని సద్వినియోగం చేసుకోవాలని ప్రయత్నిస్తూ ఉంటాడు. ఎఫేసి పత్రిక 4: 26-27లో  సూర్యుడస్తమించు వరకు మీ కోపము నిలిచియుండకూడదు, అపవాదికి చొటియ్యకుడి అంటాడు.

ఇక చివరగా మనలో ఉన్నవాడు లోకములో ఉన్నవాడి కంటే గొప్పవాడు. యోహాను 4:4 వ వచనంలో చిన్న పిల్లలార,  మీరు దేవుని సంబందులు , మీలో ఉన్నవాడు లోకములో ఉన్నవాని కంటే గొప్పవాడు గనుక మీరు వారిని జయించి యున్నారు అని ఉంటుంది. సాతాను మనలను జయించడానికి, అధపాతాళానికి ఎన్ని ప్రణాళికలు తయారు చేసినా.. మరెన్ని ఎత్తుగడలు వేసినా మనం ఏమాత్రం భయపడాల్సిన అవసరం లేదు. యేసయ్య ఏనాడైతే మరణపు ముల్లు విరిచి సమాధి నుండి సజీవునిగా మరణాన్ని జయించి బయటకు వచ్చాడో ఆ రోజే మనమూ యేసయ్య బిడ్డలుగా ఈ లోకన్ని జయించినవారం అయ్యాము. అంతటి శక్తిని యెసయ్య మనకు ఆనాడే దయచేసాడు. కాబట్టి మనలో ఉన్నవాడు లోకములొ ఉన్నవాడి కంటే గొప్పవాడు,  కాబట్టి మనకు ఎదురయ్యే సమస్యలను చూసి పారిపోనవసరం లేదు.  ప్రార్ధన అనే అయుధాన్ని యేసయ్య మనకు దయచేసి ఉన్నాడు కాబట్టి,  ప్రార్ధనలో ఒకరికొకరం ఏకీభవించి మన కొరకు, మన కుటుంబం కొరకు , తోటి సహోదరుల కొరకు, సంఘం కొరకు. సమస్త మానవాళి కొరకు ఎడతెగక ప్రార్ధించుదాం.   ప్రార్ధన అనే డాలుతో,  వాక్యం అనే ఖడ్గంతో సాతాను శోధనలను, అపవాది తలంపులను జయించుదాం. మనమూ మన కుటుంబాలు దేవునిలో నూరంతలుగా బలపడదాం.. ఆశీర్వదింపబడదాం. అమేన్.

Dear Brothers and Sisters in Christ, If you like this post, kindly comment below the post and do share your response, Thank you for reading, God bless you abundantly, Yours HNTV Telugu Christian Channel

Prayer of Jabez - యబ్బేజు ప్రార్ధన | Latest christian video message | HO...

❄❄❄ యబ్బేజు ప్రార్ధన ❄❄❄

Prayer of Jabez
బైబిల్ గ్రంధంలో యబ్బేజు ప్రార్ధనకు ఒక ప్రత్యేకమైన గుర్తింపు ఉంది. జన్మనిచ్చిన తల్లే అతనికి వేదన పుత్రుడని పేరు పెట్టి పిలుచుకుంది. ఐనా ఏమాత్రం నిరాశపడక మొక్కవోని అచంచల విశ్వాసంతో దేవుని వైపు తిరిగాడు, దేవుని ప్రేమించాడు, ప్రార్ధించాడు. అతని సోదరులలో మిక్కిలి ఘనతనొందేలా దేవునిచే ఆశీర్వదించబడ్డాడు. కేవలం నాలుగంటే నాలుగే మాటల్లో దేవునికి తనను తాను విన్నవించుకున్నాడు.
యబ్బేజు ఇశ్రాయెలీయుల దేవుని గుర్చి మొర్రపెట్టి నీవు నన్ను నిశ్చయముగా ఆశీర్వదించి నా సరిహద్దును విశాలపరచి నీ చెయ్యి నాకు తోడుగా ఉండ దయచేసి నాకు కీడురాకుండా దానిలో నుండి నన్ను తప్పించుము అని ప్రార్ధింపగా అతను మనవి చేసిన దానిని అతనికి దయచేసెను. 1 దిన 4:10
ఎంతో గొప్ప నమ్మికతో అతను చేసిన ప్రార్ధన, నీవు నన్ను నిశ్చయముగా ఆశీర్వదిస్తావు అనే ఆ గొప్ప నమ్మకమే అతనిని దేవునికి ఇష్టునిగా మార్చింది. అంత గొప్ప ఘనతను ఆపాదించి పెట్టింది.

ఈ వీడియోని మర్చిపోకుండా మీ మిత్రులకు share చేసి పదిమందికి దేవుని సువార్తను చాటగలరు. మా HOPE Nireekshana TV YouTube chaanel ని మర్చిపోకుండా subscribe చెయ్యగలురు, మి మిత్రులతో కూడా subscribe చేయించగలరు. God bless You. Amen.

Amazing Prayer for Healing in Jesus Name | Telugu | HOPE Nireekshana TV

❄❄❄ శక్తివంతమైన స్వస్థత ప్రార్ధన ❄❄❄

Amazing Prayer for Healing in Jesus Name | Telugu 

Surely He has borne our griefs and carried our sorrows, yet we esteemed Him Stricken Smitten by God, and afflicted. But He was wounded for our transgressions, He was bruised for our iniquities, The chastisement for our peace was upon Him. and by His stripes we are healed. Isaiah 53:4-5

శక్తివంతమైన స్వస్థత ప్రార్ధన

నిశ్చయముగా ఆయన మన రోగములను భరించెను, మన వ్యసనములను వహించెను, అయినను మొత్తబడినవానిగాను, దేవునివలన బాధింపబడినవానిగాను, శ్రమనొందినవానిగాను, మనమతని ఎంచితిమి. మన యతిక్రమక్రియలనుబట్టి అతడు గాయపరచబడెను, మన దోషములను బట్టి నలుగగొట్టబడెను, మన సమానార్ధమైన శిక్ష అతనిమిద పడెను, అతడు పొందిన దెబ్బలచేత మనకు స్వస్థత కలుగుచున్నది. యెషయా గ్రంధము 53:4-5

Healing Scriptures to pray and Declare and Amazing Healing in Jesus Name and Powerful words for Healing, Say this miracle Prayer daily and it will change your life and situation surely, Healing with scriptures and soaking, Anointed prayer for healing in the name of Jesus, Amen

Praise the Lord.

Thank You.

ఈ వీడియోలను మీ మిత్రులకు, బంధువులకూ తప్పక SHARE చేసి దేవుని వాక్యాన్ని పదిమందికి పంచడంలో సహాయపడి ఆ తండ్రి కృపకు మరింత పాత్రులు కావాలని కోరుకుంటున్నాము. ఆమేన్.