HNTV Telugu

నీ ఓటమిలోనే విజయం దాగిఉంది.
మానవ జీవితంలో ఎన్నో వ్యధలు, శ్రమలు, కష్టాలు, నష్టాలు...
సమస్యల వలయంలో మనం చిక్కుకుపోయినవేళ... ఒక్కో సంధర్భంలో చావే శరణ్యమనిపించవచ్చు.
కానీ అది ఎన్నటికీ పరిష్కారం కానే కాదని మనం గ్రహించాలి,

నీ.. నా... ఓటమిలోనే విజయం దాగివుందని.. గ్రహించాలి. 

యేసయ్యను నీవు విశ్వాసంతో నమ్మి వెంబడించగలిగితే నీ జీవితంలో అపజయాలు ఎదురైనా అవి తాత్కాలికమే.. ఆ అపజయంలో నుండే నీవు విజయం సాధిస్తావు. మనం పరిశుద్ధ గ్రంధములో అలా ఓటమి పాలైనా మొక్కవోని విశ్వాసంతో తిరిగి రెట్టింపు, ఏడంతలుగా ఇంకా ఎన్నో రెట్లు ఆశీర్వదించబడిన వారిని మనం చూస్తాము. యాకోబు జీవితంలో పెనూయేలు సంఘటన తరువాతే తను ఇశ్రాయేలుగా మారి దేవునిచే దీవించబడ్డాడు. యోబు సర్వస్వం కోల్పోయినా దేవుని చేతిని విడువక మరింతగా ఆశీర్వదించబడ్డాడు.
ప్రియ మిత్రులారా! 
ఈ రోజు నువ్వూ నేనూ ఓటమి అంచుల్లో ఉండిఉండవచ్చు, నడిసంద్రంలోని నావలా నీ పరిస్థితులు అనిపించవచ్చు, ఒక్కసారి యేసయ్య వైపు చూడు..
నీ ఓటమి విజయం వైపు తప్పక పయనిస్తుంది,
నీవున్న చోటనే గొప్పగా అశీర్వదించబడతావు..
"నీమీద పడు నీ శత్రువులను యెహోవా నీ యెదుట హతమగునట్లు చేయును; వారొక త్రోవను నీమీదికి బయలుదేరివచ్చి యేడు త్రోవల నీ యెదుటనుండి పారిపోవుదురు." ద్వితీయోప 28:7
అమేన్.
Subscribe HOPE Nireekshana TV